Forsætisráðharrin vil herða revsingina

Í høvuðsheitum er talan um harðskap og kynsligan ágang, sum skulu revsast harðari enn nú, skrivar tíðindastovan hjá Reuters.

Í síni grundgeving, sigur Boris Johnson, at bretskir borgarar ikki hava nóg stórt álit á skipanina í landinum, og tí er umráðandi, at revsingin hóskar til brotsverkið. 

Ætlanir umrøddar í kvøld

– Vit vita øll um brotsmenn, sum antin hava neyðtikið ella dripið, sum sleppa ov tíðliga út úr fongslinum, sigur hann og vísir á, at hetta ikki kann halda fram. 

Í kvøld fer bretski forsætisráðharrin av umrøða sínar ætlanir viðvíkjandi harðari revsing við leiðarar í bretsku løgregluni.

Síðani Boris Johnson tók við sum bretskur forsætisráðharri hava evni sum log og revsing fylt nógv. Men hann hevur bert ein lítlan meiriluta í bretska tinginum, so tað er ikki vist, at hansara ætlanir verða samtyktar.