Nýggjar friðarsamráðingar um Gaza

<p>Samráðingar verða mikudagin í egyptiska høvuðsstaðnum, Kairo, skrivar tíðindastovan, AFP. Seinast, tá partarnir hittust við samráðingarborðið, varð semja gjørd um vápnahvíld í Gaza, sum hevur verið hildin síðan.</p>

<p><strong>SÍ EISINI <a href="http://kvf.fo/greinar/2014/07/25/vapnahvild-kanska-avegis-i-gaza">Vápnahvíld kanska ávegis í Gaza</a></strong></p>

<p>Tann semjan varð gjørd 26. august, aftaná 50 dagar við friðartingingum millum Ísrael og stríðshugaðar palestinar&nbsp;í Gaza. Tá varð eisini avgjørt, at nýggjar samráðingar um frið í Gaza skuldu takast uppaftur í september, skrivar AFP.</p>

<p><strong>Ísrael ikki váttað samráðingarnar</strong></p>

<p>- Egyptaland hevur boðið eini palestinskari og eini ísraelskari sendinevnd at halda fram við friðarsamráðingunum í Kairo 24. september, sigur ein palestinskur embætismaður sambært tíðindastovuni.</p>

<p>Ísrael hevur enn ikki váttað upplýsingarnar um friðarsamráðingarnar. Tað hevur hinvegin ein dulnevndur talsmaður fyri Egyptaland gjørt fyri AFP.</p>

<p>Seinast, tá ófriður var í Gaza, lótu fleiri enn 2140 palestinar&nbsp;lív, meginparturin av teimum vóru&nbsp;sivil fólk. Á ísraelsku síðuni mistu 73 fólk tá lívið í ófriðinum.</p>