Ung kenna seg bundin av sosialum miðlum

36 prosent av teimum ungu millum 15 og 24 ár kenna seg bundin av teimum sosialu miðlunum, staðfestir nýggj kanning hjá Odense kommunu, sambært Kristeligt Dagblad.

Talið fyri alt Danmark er helst umleið tað sama, hóast kanningin er gjørd í Fyn, sigur Malene Charlotte Larsen, professari í sosialum miðlum í Aalborg Universitet.

Hon vísir á, at tað ikki neyðturviliga nýtist at vera ein trupulleiki, at tey ungu eru bundin av sosialu miðlunum, sigur Malene Charlotte Larsen sambært Kristeligt Dagblad.

Foreldur mugu seta mørk

- Talan er um misbrúk, tá tey ungu ikki fáa í lag at gera onnur ting, tí tey brúka so nógva tíð á sosialu miðlunum, sigur Malene Charlotte Larsen, professari.

Sjónarmiðið hjá professaranum í Aalborg fær eisini undirtøku hjá einum miðlagranskara í lærda háskúlanum í Keypmannahavn.

- Tað er umráðandi, at foreldur eisini vísa veg og seta mørk. Foreldur kunnu sjálvi byrja við at halda frí frá arbeiðinum í ferium, sigur Anne Mette Thorhauge við Kristeligt Dagblad.