Umrøða møguleikan at oyðileggja bátarnar

Løgmálaráðharrarnir, uttanríkisráðharrarnir og forsætisráðharrarnir fara í dag at viðgera støðuna, eftir at fleiri hundrað flóttafólk eru druknað í Miðjarðarhavinum.

Leiðararnir fara at umrøða, hvat kann gerast, eftir at fleiri 10.000 enn flóttafólk herfyri vórðu bjargað úr sjónum í havinum millum Italia og Libia eftir bert einari viku.

ES forsetin, Donald Tusk, heitir á leiðararnar úr teimum 28 londunum um at finna eina varandi loysn á trupulleikanum við flóttafólkunum.

Greinin heldur fram niðanfyri

European Union leaders face calls to take swift action to end tragedy of Mediterranean migrants: http://t.co/vSiMIytTuc

— The Associated Press (@AP) April 23, 2015

Kjarnin í ætlanini verður at tæga sundur kervið av fólki í Libia, ið arbeiða við mannasmugling, og at oyðileggja bátarnar, fyri at steðga flóttafólkstreyminum til Evropa.

Í løtuni verður arbeitt við eini ætlan at hýsa 5.000 flóttafólkum ymsa aðrastaðni í Evropa, siga embætisfólk í ES sambært tíðindastovuni, Associated Press.

219.000 flóttafólk fóru um havið í 2014, og í minsta lagi 3.500 druknaðu, sambært tølum hjá Sameindum tjóðum. Bert seinastu vikurnar hava 1.000 flóttafólk latið lív.