Høgravend stjórn í eygsjón í Ísrael

Hann hevði tveir mánaðir at skipa nýggja stjórn eftir valið, og tað eydnaðist í evstu løtu at fáa eina avtalu í lag við Jødiskt Heim.

Flokkarnir hava tilsamans 61 av teimum 120 sessunum í tjóðartinginum, Knesset, so talan er um minst møguliga meirilutan.

Formaðurin í Jødiskum Heimi, Naftali Bennett, hevur kravt, at allir átta tinglimirnir hjá flokkinum fáa ráðharrasess. Størsta stríðið hevur higartil verið um løgmálaráðið, har Jødiskt Heim vil hava ræðið á.

Nýggja stjórnin í Ísrael verður tann mest høgravenda, sum landið hevur havt í fleiri áratíggju, skrivar bretska blaðið, The Times