Ikki fleiri avrættingar í Nebraska

Teir tóku avgerðina, hóast guvernørurin, Pete Ricketts, royndi at steðga ætlanini.

Pete Ricketts er republikanari, og tað er fyrstu ferð í 40 ár, at ein statur hevur strikað deyðarevsing, meðan ein republikanari er guvernørur.

Nú er harðasta revsingin í Nebraska fongsulsrevsing fyri lívið uttan møguleika fyri at verða latin leysur.

Tíggju fólk sleppa við lívinum

19 amerikanskir statir hava nú strikað deyðarevsingina.

Nebraska keypti annars útgerð herfyri at avrætta fólk við, tó at eingin er avrættaður í statinum síðani í 1997.

Tíggju fólk hava deyðadóm í Nebraska, og í staðin fyri at verða avrættað,  skulu tey nú sita fyri lívið.

Síðani í 2007 hava seks aðrir amerikanskir statir tikið av deyðarevsingina, skrivar Reuters.