Bumbumaðurin dømdur til deyða

Boston-bumbumaðurin, 21 ára gamli Dzokhar Tsarnaev, er dømdur til deyða fyri atsóknina at Boston-maratonrenningini í 2013. Fleiri fólk lótu lív, og uppaftur fleiri vórðu særd.

Á rættarfundinum í gjár, viðgekk tann 21 ára gamli maðurin, at tað var hann sum saman við bróðurinum ið skipaði fyri atsóknini. Tað gjørdi hann, eftir at fleiri av teimum sum vórðu skadd í atsóknini høvdu fingið orðið í rættinum.

Hann segði seg vera keddan av tí, sum hendi.

Í fyrstuni við segði hann seg vera ósekan í ákæruni um yvirgang, og hann greiddi frá, at tað var eldri bróðurin, sum skipaði fyri atsóknini. Eldri bróðurin, 26 ára gamli, Tamerlan Tsarnaev, læt lív í einum samanbresti við løgregluna eftir bumbuatsóknina.

Ungu menninir vóru ættaðir úr Kekenia.