Oljufelag funnið stórt gassøki

Leiðin er útfyri Egyptalandi, og talan er um stórar nøgdir av gassi.

Økið er 100 ferkilometrar til støddar og liggur á 1450 metra dýpi. Hildið verður, at um talan var um olju, so høvdu 5,5 milliardir tunnur av olju verið í økinum.

Stjórin í ENI sigur, at stóra nøgdin av gassi fer at broyta orkutørvin hjá Egyptalandi grundleggjandi.

ENI hevur øll loyv,i sum eru í økinum, og samstundis er felagið størsta oljufelagið, ið virkar í Afrika.

ENI hevur funnið aðrar stórar nøgdir av gassi í Miðalhavinum seinastu árini, eitt nú í ísraelska partinum av Miðalhavinum.