Beyð flóttafólkum vælkomnum og spýtti eftir teimum

Hendingin á myndini, ið er farin sum skógareldur á sosialu miðlunum seinasta samdøgrið, fór fram við E47 motorvegin í Rødby í Danmark í gjár, skriva danskir miðlar.

Sambært Sigrid Nygaard - myndakvinnu hjá Information, ið tók myndina - spýtti maðurin eftir flóttafólkunum tá tey komu gangandi eftir motorvegnum, skrivar Information.

Tað er ikki bert myndakvinnan, ið sigur, at maðurin á myndini veruliga spýtti eftir flóttafólkunum. Kvinnan, ið er avmyndað saman við manninum, váttar eisini hendingina.

Greinin heldur fram niðanfyri

New div after blockquote

Øjenvidne bekræfter: Spytte-manden fik mig til at græde: http://t.co/T6ZFyQLWFP

— Information.dk (@informeren) September 8, 2015

Sjálvur noktar avmyndaði maðurin, at hann spýtti eftir flóttafólkunum, sum gingu á E47 motorvegnum á veg ímóti Svøríki í gjár, sum fleiri danskir miðlar hava skrivað, sambært BT.

Myndin hevur eisini loypt øði í fólk í Danmark, síðani hon kom á netið mánakvøldið, eftir at fleiri danskir politikarar hava deilt myndina, skrivar danska sjónvarpsstøðin, TV2.

Útivið 2.000 fólk hava viðmerkt myndina og 2.700 onnur hava deilt uppslagið, ið Johanne Schmidt-Nielsen hjá Eindarlistanum legði á Facebook mánakvøldið.