Miðalinntøkur størri skattalætta enn lágar lønir

Tey, ið forvinna 300.000 krónur um árið, fáa góðar 700 krónur í skattalætta um mánaðin. Allar inntøkur millum 190.000 og 380.000 krónur fáa meira enn 500 krónur um mánaðin í skattalætta, sambært Fíggjarmálaráðnum.

Tey, sum fáa 500.000 krónur ella meira í løn, fáa lítlan ella ongan skattalætta hesaferð.

Av teimum 151 milliónum krónunum, sum ætlaði skattalættin fer at kosta, stava 111 milliónir krónur frá lækking í kommunuskattinum, og 40 milliónir krónur frá lækking í landsskattinum.