Grikkaland klárar ikki øll flóttafólkini

Á markinum millum Grikkaland og grannalandið Makedonia bíða nærum 3.000 flóttafólk. Men bara 100 sleppa um markið um dagin.

Í løtuni eru næstan 20.000 flóttafólk strandað í Grikkalandi, tí Makedonia og onnur Balkanlond hava stongt marknaliðini. Tað hevur fingið øði í grikska migratiónsráðharran, Ioannis Mou-zalas.

SÍ EISINI Talið á flóttafólkum fer um milliónina

- Vit kunnu ikki góðtaka, at Grikkaland verður eitt nýtt Libanon í Evropa, ein goymsla av sálum, sigur Ioannis Mou-zalas.

Í høvuðsstaðnum, Athen, arbeiðir Dan Biswas sum samskipari fyri felagsskapin Faros, ið merkir "viti" á grikskum. Faros-verkætlanin hjálpir einsamøllum flóttafólkabørnum.

Stórt trýst á Grikkaland

- Nógv trýst er á okkum í løtuni. Í ár eru fyribils komin 101.000 flóttafólk og migrantar til Grikkalands, sigur Dan Biswas.

Móttøkustøðini í Grikkalandi eru á tremur, tí Makedonia hevur stongt marknaliðini, sigur samskiparin hjá felagsskapinum Faros sambært dr.dk

4.000 flóttafólk koma hvønn dag við gomlum søkkladnum dangum úr Turkalandi til griksku oyggjarnar. Einki bendir á, at flóttafólkastreymurin steðgar í bræði.