Vápnahvíldin brotin

Hetta skrivar norska heimasíðan hjá NRK. Um midnáttarleitið tagnaðu vápnini úr Damaskus fyri sunnan og Aleppo norðarlaga í Sýria. Friður valdaði, og fólk sóust koma út á gøturnar at njóta friðin.

Fyrrapartin boðaði uppreistrarbólkurin Jaish al-Islam, at stjórnarhermenn hava skotið eftir uppreistrarherliðunum. Stjórnarkjeldur siga, at tað eru uppreistrarmenninir, sum hava blakað 10 granatir inn í miðbýin i Damaskus.

Og norðaliga í landinum boða kurdisk herlið frá ógvisligum samanbrestum við IS í økinum Tel Abyad tætt við turkalandsmarkið. Hetta verður tó ikki roknað sum brot á vápnafriðin, tí henda avtala umfatar ikki IS ella El Nusra-hernaðarmarkið. Hesi verða roknað sum yvirgangsfólk og eru ti ikki umfatað av vápnahvíldini.

Henda vápnahvíldin er fyrsta av sínum slag í stríðnum, sum hevur kravt 270.000 mannalív síðan 2011 og helvtin av øllum fólkunum i Sýria eru flýggjað úr Sýria.

Bashar al-Assad, forseti og kurdisku hernaðarliðini hava játtað at halda vápnahvíldina.