DiCaprio umsíðir fingið Oscar-virðisløn

Leonardo DiCaprio, ið seks ferðir hevur verið í uppskoti um at fáa Oscar-virðisløn, fekk endiliga ta viðurkendu virðislønina í nátt

Leonardo DiCaprio fekk í nátt Oscar-virðislønina fyri besta mannliga høvuðsleiklutin í The Revenant

Mynd: AP

Uni Holm Johannesen

Bjarni Mohr

29.02.2016 - 08:29

Leonardo DiCaprio fekk sína fyrstu Oscar-virðisløn í nátt fyri besta mannliga høvuðsleiklutin í filminum, The Revenant, tá virðislønirnar vórðu latnar.

41 ára gamli DiCaprio nýtti høvið at gera vart við veðurlagsbroytingarnar og heitti á heimsins politikarar um at taka avbjóðingina í størsta álvara.

Greinin heldur fram niðanfyri

Thank you so much to the entire Academy for such an incredible honor. #TheRevenant is the product of tireless sacrifice...
Posted by Leonardo DiCaprio on 28. februar 2016

Leikstjórin González Iñárritu fekk virðislønina sum besti leikstjóri, eisini fyri filmin The Revenant. Hetta var fyrstu ferð í 66 ár, at sami leikstjóri fær virðislønina tvey ár upp í slag.

Í fjør fekk González Iñárritu heiðurin fyri filmin Birdman. Brie Larson fekk virðisløn fyri besta kvinnuliga høvuðsleiklutin fyri filmin Room.

Spotlight var kosin besti filmur í fjør. Filmurin er um tíðindafólk, sum avdúka, at børn eru fyri kynsligum ágangi í einari katólskari kirkju í USA.