Avloysarin finnast áðrenn 2. september

- Vit mæla til, at tilgongdin, at velja nýggjan leiðara til Konservativa flokkin, byrjar í næstu viku, og endar í seinasta lagi 2. september.

Tað sigur Graham Brady, ein av leiðarunum í konservativa flokkinum í Bretlandi. Flokkurin hevur nú gjørt eina tíðarætlan, skrivar tíðindastovan Ritzau.

Valevni hjá flokkinum, ið ætla sær at stilla upp til embætið, skulu í seinasta lagi boða Konservativa flokkinum frá hesum á middegi hósdagin.

David Cameron, forsætisráðharri, boðaði fríggjadagin frá, at hann leggur frá sær í kjalarvørrinum á fólkaatkvøðuni, tá bretska fólkið atkvøddi fyri at venda ES bakið.