Fleiri løgreglumenn myrdir undir mótmælisgongu

Tað, sum skuldi havt verið ein friðarlig mótmælisgonga í móti viðferðini hjá politinum mótvegis littum amerikanarum í seinastuni, men tað endaði við ruðulleika, tá ein røð av skotum vórðu latin av.

Sambært politinum bleiv skotið niður í mannamúgvuna, og politiið heldur, at talan kann vera um tveir sniðskjúttar, sum hava ligið uppi á onkrum taki ella staðið í onkrum vindeyga.

Eitt eygnavitni sigur fyri CNN, at hann hoyrdi eini 20 skot, sum komu beint eftir hvørt annað, skrivar DR.

Greinin heldur fram niðanfyri

Witness at #Dallas protest tells KTVT: “I heard about 20 gunshots in rapid succession” https://t.co/HDuGgJ1cFn pic.twitter.com/XDK9XEdtuw

— CNN (@CNN) July 8, 2016

- Vit væntaðu ikki, at nakað fór at henda hesaferð. Vit vóru ein blandaður flokkur í mótmælisgonguni, bæði svørt, hvít og latinos, sigur vitnið fyri CNN.

Eitt annað vitni, Jamal Johnson, var mitt í rúgvuni, tá skotini vórðu latin av. Teir skutu eftir politinum, og eg sá politistar verða raktar, sigur hann fyri CNN.

Orsøkin til mótmælisgonguna er, at politiið hevur dripið tveir littar mans í Minnesota og Louisiana seinastu dagarnar. Mótmælisgongur vóru tí eisini í øðrum amerikonskum býum í gjárkvøldið.