Tvær kvinnur stríðast nú um sessin hjá honum

Stríðið um at gerast forkvinna fyri Konservativa flokkinum og harvið eisini næsti bretski forsætisráðharrin fer at standa í millum Theresa May og Andrea Leadson.

Tað er greitt, eftir at Michael Gove, triðja valevni, fall í seinnu atkvøðugreiðsluni millum parlamentslimirnar hjá flokkinum, skrivar BBC.

Greinin heldur fram niðanfyri

Developing story: It's Andrea Leadsom v Theresa May in race to succeed David Cameron as Tory leader and UK PM: https://t.co/j1Jxq5etUK

— BBC Politics (@BBCPolitics) July 7, 2016

Úrslitið av atkvøðugreiðsluni var, at Theresa May fekk 199 atkvøður, Andrea Leadsom fekk 84 og Michael Gove fekk 46 og hann fall sostatt.

Limirnir í Konservativa flokkinum skulu nú velja millum tær báðar, Theresa May og Andrea Leadson. Úrslitið verður greitt 9. september.

Tá verður eisini greitt, hvør verður forkvinna í Konservativa flokkinum og harvið eisini bretskur forsætisráðharri eftir David Cameron.