Spaniólar nýggja stjórn

Í gjár kom tjóðartingið saman fyri fyrstu ferð síðan valið í juni, og tá valdi tjóðartingið Anu Pastor til nýggjan tingformann. Hon er í parti við virkandi forsætisráðharranum, Mariano Rajoy. Nú verður farið undir at royna at skipa eina nýggja stjórn.

Politiskt óskil hevur verið í Spania síðan desember í fjør, tá eingin fekk meiriluta á tjóðartingsvalinum, og flokkarnir ikki kundu semjast um eina stjórn. Tað endaði við, at Felipe VI, kongur útskrivaði nýval, sum var í juni.

Kunnu skipa stjórn einsamøll

Konservativi stjórnarflokkurin, Partido Popular, vann valið. Hann fekk 137 umboð, men ikki nóg mikið til at skipa stjórn einsamallur.

Nú fer spanski kongurin at hitta umboð fyri flokkarnar, og tí er ikki greitt enn, hvør fyrst skal royna at skipa stjórn.

Virkandi forsætisráðharrin, Mariano Rajoy, sigur seg vera sinnaðan at halda fram sum forsætisráðharri og um neyðugt í eini minnilutastjórn.