Bara smávegis fráboðanir

Klokkan sjey fekk løgreglan fráboðan um, at nakrar takplátur vóru farnar á flog í vindinum. Tær stavaðu frá einum húsum, sum verða umvæld í Klaksvík.

Brandstøðin í Havn hevur ikki fingið fráboðanir um skaðar enn. Fyri løtu síðani vísti vindmátarin upp í 24 m/s á brandstøðini í Havn.

Tvey ferðsluóhapp vóru í morgun, annað í Norðragøtu. og hitt var á Hoyvíksvegnum, har vegurin kemur út í Ringvegin. Í báðum førum var talan um bilførarar, sum ikki hildu víkiskylduna.