Kanna nú arbeiðsóhapp

Ein maður fekk skaða í høvdið seint seinnapartin í gjár, upplýsir politiið. Eitt russiskt skip lastaði vørur frá Varðanum Pelagic.

Í sambandi við hetta arbeiðið kom ein maður av skipinum fyri ein trukk á bryggjuni. Maðurin var á bryggjuni fyri at telja vørupallarnar, sum fóru í skipið.

Maðurin, sum er 30 ára gamal, varð fluttur við tyrlu á Landssjúkrahúsið. Læknarnir hava lagt hann í koma.