Savna inn til fiski- og veiðifólk í Qaanaaq

Men nú er skipað fyri innsavning til frama fyri teir.

Vindmegin var upp í 48 m/s, og tað var kalt, - niður í minus 45 stig, tá kolandi stormur rakti býin.

Fyri at hjálpa fiski- og veiðimonnunum, er ein nevnd sett, sum skal skipa fyri peningainnsavningini. 

Rasmine Jeremiassen Normann, sum er forkvinna í innsavningarnevndini, sigur, at útgerð fyri 100-túsund krónur er farin fyri skeyti, og at í hvussu er 12 persónar eru komnir illa fyri av hesum.

Fáa einki gjørt

- Vit vóna veruliga, at øll vilja hjálpa. Innsavningar hava fyrr verið til útlond, og vit halda, at nú er stundin koma at hjálpa hvørjum øðrum í Grønlandi. Fiski og veiðimenninir fáa einki gjørt. Jólini nærkast, og tey sleppa ikki á flot ella at veiða. Her í økinum fara vit á veiði við hundasletu og ikki á kavaskutara, og nógvir hava mist hvølpar. Tí hava vit brúk fyri stuðli, sigur Rasmine Jeremiasen Normann.

Hon upplýsir, at tey hava eisini søkt grunnar um hjálp til fiskimenninar og veiðimenninar í Qaanaaq, sum hava mist útgerð.