Kuldi kravt fleiri lív

Meinast rakt eru Grikkaland, Italia og Pólland. Í Russlandi hava verið 30 kuldastig. Í Rom royna sjálvboðin at bjarga teimum heimleysu í kuldanum.

Sjey fólk eru deyð í italska høvuðsstaðnum, av teimum vóru fimm heimleys. Frans pávi bað fyri teimum heimleysu í gjár.

Skúlar afturlatnir

Har suðuri í Italia hava fleiri skúlar latið aftur í dag, tí so nógvur kavi er lagstur.  Í Póllandi, har mátað eru 25 kuldastig, hava í minsta lagi 20 fólk latið lív.

Í Grikkalandi hevur nógvi kuldin rakt serliga flóttafólk, sum m.a. eru flutt í tjøld við hita. Í Grikkalandi eru mátað 15 kuldastig.

Í Russlandi, har ortodoksu jólini verða hildin í hesum døgum, eru 30 kuldastig, og so kalt hevur ikki verið hesa árstíðina seinastu 120 árini.