Trump verjir ráðharra

Hetta hendir eftir tíðindafund, har Jeff Sessions, sum í tríggjar vikur náddi at vera løgmálaráðharri í USA, greiddi frá samrøðum sínum við russiska sendiharran í USA undir forsetavalstríðnum. 

Hann segði á tíðindafundinum, at hann vil ikki verða partur í nærri kanningum um russiska ávirkan undir valstríðnum. Donald Trump sigur, at Jeff Session hevur borið seg rætt at.

- Jeff Sessions er erligur maður. Hann segði einki skeivt. Hann kundi verið greiðari í svari sínum, men hann gjørdi tað ikki við ráddum huga, segði Trump.