Kanning: Børn í Suðurgrønlandi hava tað ikki gott

Børn og ung í Suðurgrønlandi hava tað ikki gott. Tað er yvirskipaða niðurstøðan í kanning, sum talskvinnan hjá børnum í Grønlandi, Aviaja Egede Lynge, hevur gjørt.

Á heysti í fjør var hon á eini kanningarferð saman við barnaráðgevanum Ellen Bang Bourup í Kujalleq kommunu í Suðurgrønlandi.

Mikudagin verður kanningin løgd fram - og sambært grønlendska blaðnum Sermitsiaq er talan um uhugnaligan lesna.

Í fleiri førum greiðir honum frá børnum, sum misnýta hassj og onnur rúsevni - hetta eru børn heilt niður í tíggju ára aldur, sum gera tað saman við foreldrum sínum.

Umframt sjálva kanningina verður eisini ein frágreiðing løgd fram, sum tekur útgangsstøði í útsagnum hjá børnum í Suðurgrønlandi um livikor teirra.

Kujalleq kommuna hevur fingið bæði kanning og frágreiðing, sum skal gera greitt, um kommunan í Suðurgrønlandi heldur barnasáttmálan hjá ST.