Landasorg lýst eftir atsókn

Løgreglan upplýsir, at sjey av fólkunum doyðu á staðnum, tá ein bumba brast í einum toki ímillum tvær metrostøðir, og at hini doyðu seinni av løstunum. Ein onnur bumba varð funnin, og tað eydnaðist løgregluni at taka hana sundur, áðrenn hon brast.

Tíðindastovan Tass skrivar, at maðurin, sum framdi atsóknina, verður hildin at vera ein 23 ára gamal maður úr Miðasia. Hann er kendur fyri at hava samband við víðgongdar islamistar, skrivar Interfax.

Tíðindastovan skrivar, at maðurin sjálvur lá eftirá í speringingini, men myndugleikarnir vilja ikki vátta, um talan var um eina sjálvmorðsatsókn. Eingin hevur enn tikið ábýrgdina av atsóknini í Santa Pætursborg seinnapartin í gjár.