Forkvinna keypt partabrøv í bankanum

Forkvinnan í nevndini í Bank Nordik, Stine Bosse, hevur keypt 1750 partabørv í bankanum. 

Kursurin er 113,50 krónur, boðaði bankin Fíggjareftirlitinum frá í gjár. Keypt eru tí partabrøv fyri slakar 200.000 krónur.

Fyritøkur, sum eru skrásettar í keypsskálum, hava skyldu til at boða frá og almannakunngera, tá fólk í leiðslu bankans ella fólk, sum standa teimum nær, handla partabrøv í fyritøkuni.

Fyrra hálvárið hjá BankNordik samtakinum hilnaðist so væl, at samtakið væntar nú, at úrslitið í ár verður 15 milliónir krónur betri enn mett varð, tá árið byrjaði.