Dómurin hjá Arnault herdur

Jean-Claude Arnault var í miðdeplinum um kynsligan ágang í gøluni í Svenska Akademiinum fyri Nobelheiðurslønina í bókmentum. Hann varð í oktober dømdur tvey ára fongsulsrevsing fyri neyðtøku.

Nú hevur rætturin í Stokkhólm hert fongsulsrevsingina hjá Arnault til tvey og eitt hálvt ár.

Arnault, sum er 72 ára gamal, varð ákærdur fyri tvær neyðtøkur í Stokkhólmi móti somu kvinnu, men hann varð bara dømdur fyri aðra.

Gølan fekk fyrr í ár svenska akademiið at avlýsa bókmentaheiðurslønina hjá Nobel í ár, og fleiri limir í akademiinum hava eisini sagt sín sess frá sær.