23 fólk handtikin eftir ófrið í Keypmannahavn

15.04.2019 - 07:40
AktueltÚtheimurin
23 fólk handtikin eftir ófrið í Keypmannahavn
Eldur varð settur á fleiri bilar og mótmælisfólk tveittu grót eftir løgregluni í danska høvuðsstaðnum um vikuskiftið
Fleiri enn 20 eldar vórðu ásettir í ógvusligum ófriði í Keypmannahavn um vikuskiftið
Mynd: © DR  
 

Ófriðurin byrjaði seinnapartin í gjár, tá høgravendi polittikarin, Rasmus Paludan, skipaði fyri mótmælum ímóti islam. Hann mátti flytast av staðnum, har hann skuldi halda røðu.

Politiken skrivar, at 23 fólk eru handtikin. Ófriðurin var ógvusligur, og eldur varð settur á nógvar bilar, eins og mótmælisfólk tveittu grót eftir løgregluni og framdu herverk.

Seint í gjárkvøldið breiddi ófriðurin í Keypmannahavn seg eisini til aðrar partar av býnum, har eldur varð settur á fleiri staðni. 

Fleiri enn 20 eldar ásettir

Í nátt hava nógv løgreglufólk verið í gøtunum í Keypmannahavn. Út ímóti miðnátt vóru yvir 20 eldar í býnum, teir vóru ásettir uppá tveir tímar.

Í nøkrum førum vórðu løgreglufólk álopin, so neyðugt var at hava vápnini klár, men einki skot varð kortini latið av, upplýsir løgreglan fyri DR.

TV2 skrivaði fyrr í morgun, at neyðugt var hjá løgregluni at brúka táragass, tí eldur var settur á fleiri staðni á Christianshavn. Í morgun er aftur friðarligt í Keypmannahavn, eftir ógvusliga ófriðin í gjár, gjárkvøldið og út á náttina

 
Nýggjastu sendingar í ÚV
Mánadag 22. apríl
Tretivu ár síðan oyggjaleikirnar
93309
Mánadag 22. apríl
Hin miskunnsami samariubúgvin
93342
Mánadag 22. apríl
Guðstænasta í Hoyvíkar kirkju
93730
Sunnudag 21. apríl
Tónaskaldið Jógvan Telling
93308
Sunnudag 21. apríl
Bolero páskadag 2019
93714
Nýggjastu sendingar í SV
Mikudag 24. apríl
25 minuttir: Andrias Høgenni
93252
Mánadag 22. apríl
Hamradun - konsert í Tvøroyrar kirkju
93477
Mánadag 22. apríl
Møti
93735
Mánadag 22. apríl
Andaktin
93733
Sunnudag 21. apríl
Ein stór løta
93495