Sild flutt frá í fjør

Føroysk skip kunnu fiska 115.515 tons av norðhavssild í ár.

Harafturat koma 2.613 tons, sum eru flutt til í ár, tí tey ikki vórðu fiskað í fjør.

Tað hevur Fiskimálaráðið kunngjørt.

51.493 tons verða latin teimum, sum høvdu rætt til at fiska eginkvotu í fjør.

Føroyingar kunnu fiska norðhavssild í føroyskum sjógvi, íslendskum sjógvi, ES-sjógvi og í NEAFC-skipanarøkinum. 

Føroyskur sildafiskiskapur í ES-sjógvi er í ár avmarkaður til í mesta lagi 4.500 tons.

45.699 tons eru sett av til uppboðssølu í ár, 10.596 tons til menningarkvotur, 3.700 tons eru sett av til vinnuligar royndir og 300 tons til hjáveiðu av norðhavssild í føroyskum sjógvi hjá føroyskum skipum, sum royna eftir uppsjávarfiski.