Víða um við línuni

Línuskipini eru víða um og fiska, undir Føroyum, undir Íslandi og á Íslandsrygginum.

Tey fiska tosk, hýsu, svartkalva, brosmu, longu og blálongu, skrivar Fiskamarknaðurin. 

Fýra línuskip avreiða mánadagin. Eitt kemur undan Íslandi, eitt av rygginum og tvey koma av landgrunninum. 

Hóast streymurin verður góður, er ikki nógvur útróður, tí veðrið verður ikki av tí besta í næstu viku.

Trolarar og garnaskip

Tveir djúpvatnstrolarar eru úti, annar fiskar kongafisk, og hin fiskar stinglaks og blálongu. 

Vantandi avreiðir annar síðst í næstu vikuni og hin fyrst í aðru viku.

Partrolararnir fiska upsa. Fiskaríið hjá teimum er brúkiligt, skrivar Fiskamarknaðurin.

Sjey trolbátar fiska fyrst og fremst havtasku, men fiskaríið er smáligt. Teir avreiða helst fyrst og miðskeiðis í vikuni, sum kemur.

Trý garnaskip fiska svartkalva. Fiskiskapurin er smáligur. Tey avreiða síðst í næstu viku.