Heimavirkisfeløg fáa kanska skattalætta

Tey, ið fáast við ymiskt heimavirki, skulu nú kunna selja fyri 50.000 krónur skattafrítt. Tað sigur Jørgen Niclasen, landsstýrismaður í fíggjarmálum.

Jørgen Niclasen, landsstýrismaður í fíggjarmálum, hevur lagt uppskot fyri Løgtingið um broyting í Løgtingslóg um landsskatt og kommunuskatt.

Heimavirki er eftir galdandi lóg skattskyldugt, um talan er um sølu fyri meira enn 30.000 krónur í einum ári. 

 >> SÍ EISINI Heimavirkisfelagið fegnast um uppskotið

Tá talan er um heimavirki, er í flestu førum talan um ítriv og ikki vinnu, skattliga viðgerðin er ymisk, alt eftir, um talan er um ítriv ella vinnu.

Jørgen Niclasen, landsstýrismaður, sigur, at endamálið við uppskotinum er at taka forðingar burtur fyri føroyskum heimavirki, sum eru í skattalógini.  

Sambært Jørgen Niclasen fjálgar uppskotið um heimavirksemi í Føroyum.