HM-hondbóltur í sjónvarpinum

Kappingin er eitt undanumfar til undankappingina til HM-endaspælið í manshondbólti um eitt ár. Føroyar eru í bólki saman við Litava, Slovakia og Luksemburg, sum eisini er vertur fyri kappingini.

Vinnarin av kappingini skal spæla play-off dystir um at sleppa í sjálva undankappingina til endaspælið. Vegurin til HM er sostatt langur, og hann byrjar við dystunum hetta vikuskiftið. 

Føroyar leggja fyri móti Litava í dag kl. 16, og spæla síðan móti Slovakia í morgin - leygardagin kl. 14. Seinasti dysturin er sunnudagin klokkan 16.30 móti Luksemburg. 

Kringvarpið vísir allar dystirnar beinleiðis í sjónvarpinum, Suni Merkistein sigur frá.