Jørðin fingið ein nýggjan »smá-mána«

Luturin varð funnin av stjørnufrøðingum við Catalina Sky Survey í USA, og seks onnur observatorium hava nú eisini sæð lutin. Luturin er í umferð um jørðina, og granskarar og miðlar kalla lutin fyri ein smá-mána, skrivar videnskab.dk

Talan er helst um eitt brot av eini smágongustjørnu, sum er fangað í tyngdarmegini hjá jørðini, sigar granskarar við lærda háskúlan í Keypmannahavn.

Luturin er á stødd við ein bil, og verður kallað 2020 CD3. Smá-mánin nýtir 47 dagar at ferðast eina ferð um jørðina.

Hetta er bara aðru ferð, at ein lutur er funnin, sum er bundin at jørðini á henda hátt. Ta fyrru ferðina var í 2006, skrivar Berlingske á netinum.