Skulu eisini gjalda fyri koronukanning næsta ár

Ferðafólk, sum koma til Føroya, skulu eisini allan fyrsta ársfjórðing í 2021 gjalda 312 kr. fyri koronukanning. 

Lógin, sum annars skuldi fara úr gildi á nýggjárinum, skal leingjast til 31.mars næsta ár. 

Uppskot um tað kom úr landsstýrinum í løgtingið í gjár.

Lógin er galdandi fyri ferðandi, sum eru 12 ár ella eldri.

Flutningsfyritøkurnar ella umboð teirra krevja pengarnar frá ferðafólki og kunnu taka sær ómaksgjald fyri tað.