Fyrstu hálvfinalurnar í Burn-deildini í kvøld

31.03.2021 - 13:42
ÍtrótturHondbóltur
Fyrstu hálvfinalurnar í Burn-deildini í kvøld
Í kvøld verða fyrstu hondbóltshálvfinalurnar í Burn-deildini spældar. KVF stroymir dystin í Vestmanna millum VÍF og Neistan frá kl. 17.50
Í kvøld verða fyrstu hálvfinalurnar í Burn-deildini spældar
 

VÍF tekur ímóti Neistanum og KÍF og H71 bresta saman í Kollafirði í fyrstu hálvfinalunum í Burn-deildini, sum verða spældar í kvøld.

Dysturin í Vestmanna byrjar klokkan 18:00, og tann í Kollafirði klokkan 20.00. KVF stroymir dystin millum VÍF og Neistan frá kl. 17.50 á heimasíðuni, kvf.fo.

Spennandi dystir

Í hálvfinalunum verður spælt verður best av trimum dystum. Lagt er upp til spennandi hálvfinalur. VÍF og Neistin hava spælt tríggjar ferðir í landskappingini, og Neistin hevur vunnið tvær ferðir, meðan VÍF hevur vunnið einaferð. Samlaði málmunurin millum liðini er 92-89 tl fyrimuns fyri havnaliðið.

Hálvfinalurnar millum kollfirðingar og hoyvíkingar kunnu eisini gerast spennandi, um hugt verður eftir innanhýsis úrslitunum millum liðini í ár. H71 hevur vunnið tvær ferðir móti KÍF í landskappingini, og kollfirðingar hava vunnið eina ferð. Samlaði málmunurin er 79-77 til fyrimuns fyri hoyvíkingar.

Finaluliðini skulu finnast

Nógvur hondbóltur verður spældur um páskirnar, tí tað, sum nevnt omanfyri, verður spælt best at trimum í hálvfinalunum. Tað merkir, at um liðini vinna hvør sína hálvfinalu, skal alt avgerast í einum triðja dysti. Málmunur verður ikki brúktur. Í SMS-deildini verður ikki greitt fyrrenn í kvøld, tá grundspælið endar, hvussu verður spælt í hálvfinalunum.

Skráin fyri endaspælið í Burn-deildini

Mikudagin 31. mars
Hálvfinala 1 kl. 18.00 VÍF – Neistin
Hálvfinala 1 kl. 20.00 KÍF – H71

Leygardagin 3. apríl
Hálvfinala 2 kl. 20.00 H71 – KÍF

Mánadagin 5. apríl
Hálvfinala 2 kl. 19.00 Neistin – VÍF

Mikudagin 7. apríl
Møgulig hálvfinala 3 kl. 18.00 VÍF – Neistin
Møgulig hálvfinala 3 kl. 20.00 H71 – KÍF



 

Er kopiera
Nýggjastu sendingar í ÚV
Leygardag 17. apríl
Frá fyrsta Smirli til í dag - 11. sending
122923
Leygardag 17. apríl
TEMAPLÁTAN: New Jersey, Bon Jovi, 1988
122961
Leygardag 17. apríl
Hetta heilaga Evangeliið skrivar
122959
Leygardag 17. apríl
Brunsj við Niels Petur Nolsøe (NePtuN)
122958
Leygardag 17. apríl
Akkerini vóru bjargingin
122792
Nýggjastu sendingar í SV
Leygardag 17. apríl
Hondbóltur: VÍF - H71
122963
Hósdag 15. apríl
Tóki
122879
Mikudag 14. apríl
Hondbóltur: H71 - VÍF
122834
Mikudag 14. apríl
Hondbóltur: Neistin - STIF, 1. FM-finalan
122833
Týsdag 13. apríl
Katrin Danielsen, Ílegusavnið
118857