Fjarskiftiseftirlitið skal hava eftirlitið við økisnavninum .fo

Lógin um økisnavnið .fo kom í gildi í gjár.

Fyrr varð økisnavnið umsitið eftir viðtøkunum hjá FO-ráðnum. 

Rættin at brúka økisnavnið .fo hava Føroyar fingið frá altjóða stovninum ICANN, Internet Corporation for Assigned Names and Numbers. 

FO-ráðið hevur umsitið økisnavnið síðani 2001.

Ætlanin er, at Fjarskiftiseftirlitið skal hava eftirlitið, sum er ásett í lógini.

Fer at kosta 50-100.000 kr. 

Tað fer at kosta 50.000-100.000 kr. um árið.

Eitt uppskot um kunngerð er eisini gjørt um internetøkisnavnið .fo. Tað er sent til hoyringar.

Sambært tí skal eitt felag umsita økið.

Í leiðslu felagsins skulu vera umboð fyri føroyska internetsamfelagið.

Fýra fólk í leiðsluni

Í minsta lagi fýra fólk skulu vera í leiðsluni. 

KT-felagið velur eitt fólk fyri professionellar veitarar.

Felagið Samskifti velur eitt fólk fyri professionellar brúkarar, Brúkaraumboðið eitt fyri privatar brúkarar og Gjaldstovan velur eitt umboð.