Japanski forsætisráðharin leggur frá sær

Japanski forsætisráðharrin, Yoshihide Suga, boðar frá, at hann leggur frá sær sum forsætisráðharri, hóast hann bert hevur verið forsætisráðharri í eitt ár, skrivar Reuters.

Hann hevur gjørt av ikki at stilla uppaftur sum formaður í flokkinum, tá formaður skal veljast á landsfundi í hesum mánaðinum, og tí skal nýggjur formaður veljast.

Suga sigur, at tað er ov nógv arbeiði at stríðast ímóti koronufarsóttini og samstundis reka val til formansstarvið.

Suga hevur mist undirtøku millum fólk seinastu tíðina, tí landið er illa fyri av koronufarsóttini. Funnist hevur verið at honum fyri at tvíhalda um at halda olympisku leikirnar í summar, hóast smittutølini vuksu í stórum.