Tvær gull og eitt føroysk met í DMU í frælsum ítrótti

Tvær gull og eitt føroysk met í DMU í frælsum ítrótti
Elin Niclasen vann gull og setti nýtt føroyskt met í spjótkasti, tá trý føroysk ítróttarfólk kappaðust um danska meistaraheitið fyri ung í frælsum ítrótti um vikuskiftið
Elin Niclasen í kapping á Tórsbreyt fyrr í ár
Mynd: Hvirlan  
 
12.09.2021 - 14:30

Elin Niclasen vann gull og setti føroyskt met, tá hon kappaðist um danmarksmeistaraheitið fyri ung í spjótkasti um vikuskiftið, skrivar heimasíðan hjá Hvirluni.

Hon var styrkismett fremst við sínum besta kasti í ár - 36 metrar - meðan nummar tvey og trý høvdu kastað 34 metrar undan DM-kappingini, so roknast kundi við eini spennandi kapping.

Men føroyski spjótkastarin gjørdi bart í fyrstu royndini og kastaði heilar 42,78 metrar, setti nýtt føroyskt met og vann gull. Nýggja metið er góðar fýra metrar betri enn hitt gamla og viðmerkjast kann, at bert ein í bólkinum 20-22 ár kastaði longri enn Elin Niclasen.

Miso Buha vann gull í trýstøkki. Í fyrsta lopinum kom hann út á 13,18 metrar, og hetta víðsti seg at verða nóg mikið, tí næsti kappingarneytin fekk einki lop góðkent.

Triðji føroyski íðkarin í kappingini var Tinna Berg Jørgensen, sum royndi seg í 100 metur renning. Støðið var høgt, men Tinna Berg Jørgensen kom væl frá byrjan og hekk í teimum fremstu. Síðstu metrarnar dragnaði hon eitt sindur og endaði á einum 6. plássi. Men tíðin - 13.27 sekund - var persónligt met, 0.36 sekund skjótari enn gamla metið.


 

Er kopiera
Nýggjastu sendingar í ÚV
Týsdag 28. januar
Morgunlestur týsdagur 28.januar 2025
186651
Mánadag 27. januar
Norðurljóð 27.januar 2025
186723
Mánadag 27. januar
Takk fyri dansin, Teitur
186918
Mánadag 27. januar
Góðan morgun Føroyar
186905
Nýggjastu sendingar í SV
Mánadag 27. januar
3-2
186892
Sunnudag 26. januar
Guðstænasta á Viðareiði
186881
Fríggjadag 24. januar
Veðrið
186817
Hósdag 23. januar
Heim, kæra heim (1:3)
186749