Skuldsettur fyri brot á upphavsrættin

Løgreglan hevur skuldsett ein 49 ára gamlan mann í Havn fyri brot á upphavsrættin, tí hann í fleiri førum hevur selt rætttindi til sjónvarpsrásir, uttan loyvi frá ánaranum av upphavsrættinum.

Maðurin var handtikin í gjár.

Politiið hevur lagt hald á ymiska tekniska útgerð, sum nú verður kannað nærri fyri at fáa greiði á, hvussu umfatandi lógarbrotið er.

Skuldsetti játtar seg partvís sekan í skuldsetingini, sigur politiið, sum ikki hevur fleiri viðmerkingar til málið í løtuni.