Jóanis Erik Køtlum nýggjur kommunustjóri í Fuglafirði

Kommunustjórin er næsti ráðgevi hjá býráðnum og borgarstjóranum. Hann er eisini ovasti umsitingarleiðari hjá kommununi, beint undir borgarstjóranum.

Jóanis Erik Køtlum er 56 ára gamal og útbúgvin búskaparfrøðingur. Hann hevur leiðsluroyndir frá ymiskum størvum í føroyska og grønlendska heilsuverkinum, har hann millum annað hevur verið sjúkrahússtjóri og heilsuverksstjóri.

Jóanis Erik Køtlum skal avloysa Henrik Weihe Joensen, ið tók við starvinum sum kommunustjóri 1. september 2020.

14 umsóknir vóru til starvið, og eitt samt býráð tók undir við at seta Jóanis Erik Køtlum.