- Tíðindi, mentan og ítróttur
24 ráðharrar í nýggju svensku stjórnini
24 ráðharrar í nýggju svensku stjórnini
Tobias Billstrøm verður uttanríkisráðharri, og forkvinnan í Kristindemokratunum verður varaforsætisráðharri
Ulf Kristersson, forsætisráðharri, heldur røðu fyri ríkisdegnum um ætlanirnar hjá nýggju borgarligu stjórnini.
Mynd: Ritzau Scanpix
18.10.2022 - 10:57
Svenski forsætisráðharrin, Ulf Kristersson, hevur í dag kunngjørt ráðharrarnar í nýggju stjórnini.
Tilsamans eru 24 ráðharrar í nýggju stjórnini.
Moderaterna fáa 13 ráðharrar, Kristindemokratarnir seks, og teir Liberalu fáa fimm ráðharrar.
Ebba Busch verður varaforsætisráðharri í svensku stjórnini. (Mynd: Ritzau Scanpix)
Ebba Busch, forkvinna í Kristindemokratunum, verður orku- og vinnumálaráðharri og varaforsætisráðharri. Kristindemokratarnir fáa eisini heilsumál at umsita.
Johan Pehrson, formaður hjá teimum Liberalu, verður ráðharri í arbeiðsmarknaðar- og integrasjónsmálum. Flokkurin umsitur eisini veðurlags- og umhvørvismál og javnstøðumál.
Og nýggi uttanríkisráðharrin, Tobias Billström, løgmálaráðharrin, Gunnar Strömmer, og verjumálaráðharrin, Pål Jonson, koma allir úr Moderatunum.
Tobias Billstrøm er nýggjur uttanríkisráðharri í Svøríki. (Mynd: Ritzau Scanpix)
Er kopiera
Nýggjastu sendingar í ÚV
Nýggjastu sendingar í SV
