Vinstri og Radikali flokkurin høvdu stóra afturgongd

Vinstriflokkurin hevði stóra afturgongd á fólkatingsvalinum, og sum næststørsti flokkur fekk hann bert 13,3 prosent av atkvøðunum. Vinstri er helvtina minni enn danski javnaðarflokkurin.

Jakob Ellemann-Jensen, floksformaður, sigur ongan iva vera um, at Vinstriflokkurin misti undirtøku, tí bæði Lars Løkke Rasmussen, fyrrverandi formaður í flokkinum, og Inger Støjberg hava stovnað nýggjan flokk.

Jacob Ellemann-Jensen var ikki nøgdur við valið:

Søren Pape Poulsen - Mynd: Ritzau Scanpix

Søren Pape Poulsen, formaður í Konservativa flokkinum.

Konservativi flokkurin hevði eisini eitt vánaligt val, og ymisk viðurskifti í valstríðnum høvdu við sær, at undirtøkan ikki var serliga góð.

Kortini tyktist formaðurin, Søren Pape Poulsen, at vera væl nøgdur:

Sofie Carsten Nielsen - Mynd: Ritzau Scanpix

Sofie Carsten Nielsen, forkvinna í Radikala flokkinum.

Radikali Vinstriflokkurin var beinleiðis orsøk til, at fólkatingsval var nú, tí flokkurin hótti við at taka stuðulin til Mette Frederiksen aftur.

Sofie Carsten Nielsen, forkvinna, var ikki serliga væl nøgd, tí flokkurin hevði stóra afturgongd á valinum: