Frakland: Rætturin til fosturtøku verður staðfestur í grundlógini

Franska tjóðartingið samtykti í gjár, at rætturin til fosturtøku skal skrivast í grundlógina. 

Nú skal lógin viðgerast í franska senatinum.

Politikarar á vinstravonginum og stjórnarsamgongan høvdu samráðst um eitt uppskot til semju undan atkvøðugreiðsluni í gjár, og tað gjørdi, at stórur meiriluti var fyri uppskotinum.

- Lógin tryggjar effektivitet og sama møguleika at steðga viðgongutíðini, stendur í uppskotinum til nýggja grein í grundlógini.

Stórur meiriluti fyri

Tilsamans 337 tinglimir atkvøddu fyri uppskotinum. Bara 32 atkvøddu ímóti. 

577 sessir eru í franska tjóðartinginum.

Atkvøðugreiðslan um fosturtøku í Fraklandi er beinleiðis avleiðing av umstríddum broytingum í fosturtøkulóggávuni í USA, Ungarn og Pollandi. 

Fosturtøka hevur verið lóglig í Fraklandi síðani 1974.