Franskir bøndur hótta við at steingja vegir

Franskir bóndafelagsskapir krevja meira í løn og betri arbeiðsviðurskifti, og hótta í dag við at forða allari ferðslu inn og út úr París.

Bøndur í øllum Fraklandi hava seinastu tíðina avbyrgt vegir við traktorum og lastbilum, og hava elvt til ruðuleika í ferðsluni.

Í gjár vóru framvegis fleiri motorvegir kring um í landinum stongdir.

Seinnapartin í dag ætla bóndafeløgini at herða tiltøkini við at steingja átta vegir til Paris.

Franska stjórnin hevur svarað aftur, at 15.000 løgreglufólk fara at forða fyri, at tiltøkini leggja franska høvuðsstaðin lamnan, og forða fyri, at bøndurnir sleppa inn í býin, skrivar NTB.