- Tíðindi, mentan og ítróttur
ES setur fleiri tiltøk í verk móti Russlandi
ES setur fleiri tiltøk í verk móti Russlandi
Ætlanin er, at tiltøkini skulu setast í verk á ársdegnum fyri russisku innrásina í Ukraina, 24. februar
Ursula von der Leyen, forkvinna í ES-nevndini, fegnast um, at ES-londini eru samd um at herða tiltøkini móti Russlandi. (Savnsmynd: Ritzau Scanpix))
21.02.2024 - 10:17
ES-londini eru samd um 13. pakkan við tiltøkum móti Russlandi.
Tað upplýsa belgiski formansskapurin í ES og forkvinnan í ES-nevndini, Ursula von der Leyen.
- Eg fegnist um avtaluna um nýggja pakkan við tiltøkum móti Russlandi. Vit noyðast at halda á at bróta niður krígsmaskinuna hjá Putin, stendur í fráboðanini frá von der Leyen.
Hon sigur, at við 2.000 listum um tiltøk verður trýstið á Kreml varðveitt.
- Vit avmarka eisini atgongdina hjá Russlandi at útvega sær dronur, sigur forkvinnan í ES-nevndini.
Ætlanin er, at tiltøkini skulu setast í verk á ársdegnum fyri russisku innrásina í Ukraina, 24. februar.
Er kopiera
Nýggjastu sendingar í ÚV
Nýggjastu sendingar í SV
