Ukraina skjótt í uppisetri fyri granatir

Harvið økist vandin fyri einum hernaðarligum ósigri. Tað ávaraði herovastin fyri amerikansku deildirnar í Evropa, Christopher Cavoli, generalur, um, tá hann í dag var til hoyring í amerikanska umboðsmannatinginum.

Tað skrivar danska TV2.

- Um eini parturin kann skjóta, og hini ikki kann svara aftur, tapa tey, sum ikki kunnu skjóta, sigur ovastin.

Cavoli segði eisini, at í løtuni skjóta russar eini fimm artillarígranatir fyri hvørja ukrainar skjóta aftur, og at hesin munurin næstu vikurnar kann  økjast til 10 til eitt.

Amerikanska umboðsmannatingið viðger í løtuni ein hjálparpakka fyri 60 mia dollarar, men republikanski formaður, Mike Johnson sýtir framvegis fyri, at senda uppskotið til atkvøðugreiðslu.