- Tíðindi, mentan og ítróttur
Tilburðirnir av diabetes í Danmark settu met í fjør
Tilburðirnir av diabetes í Danmark settu met í fjør
Diabetes er vorðin ein fólkasjúka, og í 2030 fara 467.000 danir at hava sukursjúku, væntar danska Diabetesfelagið
Í Danmark verður mett, at í minsta lagi 360.000 fólk hava diabetes, og tað svarar til umleið seks prosent av fólkinum.
29.04.2024 - 08:21
Fleiri enn 25.500 fólk fingu staðfest diabetes, sukursjúku, í Danmark í fjør, og tað er met í einum ári, skrivar danska kringvarpið.
Diabetes er rætt og slætt vorðin ein fólkasjúka, og sambært útrokningum hjá danska Diabetesfelagnum hava 467.000 danir sukursjúku í 2030.
Í Danmark verður mett, at í minsta lagi 360.000 fólk hava sjúkuna í dag, sum svarar til umleið seks prosent av fólkinum.
Hildið verður eisini, at okkurt um 100.000 danir hava typu 2-diabetes, uttan at vita av tí.
Støðan í Føroyum
Í Føroyum verður mett, at okkurt um 250 fólk hava typu 1-diabetes og eini 3.000 fólk hava typu 2-diabetes.
Hetta svarar til sløk seks prosent av føroyingum.
Men neyv hagtøl mangla, sigur Diabetesfelagið.
Er kopiera
Nýggjastu sendingar í ÚV
Nýggjastu sendingar í SV
