Asiatiskir tilflytarar halda fólkatalinum í Grønlandi uppi

Tøl hjá grønlendsku hagstovuni vísa, at fólkatalið í Grønlandi er støðugt

Tað vísa tøl hjá grønlendsku hagstovuni sambært Sermitsiaq.

Tað er ikki minst takkað verið tilflytarum úr Asia.

Sambært Grønlands Statistik búðu 1. juli í ár 56.836 fólk í Grønlandi. Tað eru 29 færri enn 1. juli í fjør.

Men hetta seinasta árið er talið av persónum, sum eru føddir í Grønlandi, minkað við 193, og tey, sum eru fødd í Danmark, er minkað við 123.

Hinvegin er talið av teimum, sum eru fødd í Asia, vaksið við 281, skrivar Sermitsiaq.