Sinnisbati: Óvirðiligt at læsa sálarliga sjúk fólk inni í brummuni

Tað kemur meira enn so fyri, at fólk, ið eru sera illa fyri sálarliga, sova í tí, sum vit í vanligum máli kalla brummuni.

Tað greiddi Steen Nørskov, chefpolitiinspektørur, frá í tíðindunum í gjár. 

"Tað er óvirðiligt, at vit ikki hava aðra loysn enn at læsa fólk við stórum sálarligum trupuleikum inni í varðhaldinum," sigur Súsanna Olsen, forkvinna í Sinnisbata.

Eingin psykiatrisk skaðastova er, men læknavaktin hevur síðani í vár havt eina linju til psykiastriska depilin.

Men hetta riggar ikki nóg væl, sigur Súsanna Olsen, forkvinna í Sinnisbata.