Havfrøðingur: Úrslitið av COP29 er nokkso syndarligt

Avtalan sigur millum annað, at frá 2035 skulu heimsins ríkastu lond, á hvørjum ári, geva 300 milliardir dollarar, sum svarar til góðar 2.100 milliardir í okkara pengum, til heimsins fátækastu lond, sum stríðast við veðurlagsbroytingar.

Hóast londini blivu samd um eina avtalu, eru tað langt frá øll, sum eru nøgd við avtaluna.

India finst hvassliga at avtaluni. Upphæddin er alt ov lítil og tað vísir greitt, at ríku londini ikki vilja taka ábyrgd.

Bolivia, Nigeria, Pakistan og onnnur fátæk lond, taka undir við atfinningunum hjá India.

Úrslitið av COP29 er nokkso syndarligt, sigur Bogi Hasnen, havfrøðingur, sum heldur at ov lítið verður gjørt fyri at minka um veðurlagsbroytingarnar.

Hoyr innslag í útvarpstíðindunum