Fleiri áarlop um landið

Longu seint í gjárkvøldið leyp fyrstu ferð. Tað var í Sandslíð og er nú ruddað burtur aftur. Og nú seinnapartin í dag er aftur lopið nógvastaðni. Fyrst við Vatnavegin í Vágum, har tað eina løtu ikki var koyrandi, og síðani norðan fyri Hósvík, har tað í løtuni ikki er koyrandi. Eisini er lopið á Selatræðarvegnum, millum Skæling og Leynar, við Ljósáir og á Oyndarfjarðarvegnum.

Koyrilíkindini eru so mikið vánalig, at Landsverk heitir á bilførarar at hugsa seg væl um og kanna koyrilíkindini, áðrenn tey seta seg í bilin.